Шаштың жылдам майлануы оның химиялық құрамының бұзылуынан. Бұл әсіресе күз-қыс айларындағы суық пен баскиімнің әсерінен болады. Мұндай шашты бір шай қасық ас содасы немесе бор қосылған жылы сумен жуған дұрыс. Сонымен бірге басты аптасына екі-ақ рет жууға дағдылану керек. Егер бұл әдістер көмектеспесе, яғни шаш құрамындағы бөлшектердің жұмысы әбден бұзылған жағдайда бас терісін бес пайыздық бор қышқылы ерітіндісіне салынған мақта тампонымен ысқылап жуған жөн. Бор қышқылы табылмаса, оны лимон шырынымен алмастыруға болады. Ал халық медицинасы майлы шашты сусабын тигізбестен бұрын жарты сағаттай айран жағу керектігін ұсынады.
Тым майлы шаш
Бас терісіндегі май бездерінің тым белсенді жұмысы сіздің шашыңыздың тез майлануының себебі болуы мүмкін. Сол себепті мынандай құрамдас бөліктерге назар аударғаныңыз жөн:
Эвкалипт пен гамамелим экстракттары май бездерінің жұмысын реттейді.
Емдік саз қосылған сусабын бас терісін терең тазартады.
Ментол бас терісіндегі қан айналымын реттеп, шаш тамырларын қоректендіреді.
Жожоба майы шашты жақсы тазартады.
Зәйтүн майы бас терісін өте жақсы ылғалдандырады.
Шашыңыз одан әрі майланбас үшін сусабынның құрамында майлы қосылыстар жоқ екендігіне көз жеткізіңіз.
