Қазақтың көркем сөзі – ондаған ғасырлардың жемісі. Көнеден бүгінге жеткен Сөз өнері көшпелі жұрттың өмір сүру салты мен билік құру институттарын да анықтап отырған.
«Қызыл тілді өнер атаулының алды санаған» кемеңгер бабаларымыздың бұл қасиетті көк түріктер кезеңінде де, Алтын Орда, Ақ Орда, Қазақ хандығы дәуірлерінде де, нар заман, зар заман кезеңдерінде де, Абай – Махамбет – Жамбыл ғасырында да, арыстар мен алыптар тағдырына куә болып, реалистік-психология мектебі мен «алпысыншы жылдардың» тұсауын кескен, сандаған саңлақтарымыз бен ондаған тарландарымыздың буынын бекітіп, қанатын қатайтқан кешегі кеңес кезінде де тұғырынан таймаған.
