Ә.Қоңыратбаев 1937 жылдан бастап қудаланып, Алматы және Оңтүстік Қазақстан облыстарында жұмыс жасаған. 1942 жылы Түркістан мақта зауытының кадр бөлімінің басшысы болып жүріп әскер қатарына - РККА алынған. Магнитагорскіде әскери борышын өтеп жүріп, КСРО Ғылым академиясының аспирантурасына түскен. Соғыс кезінің заңы бойынша аспирантураға түскендер әскери борышын өтеуден босатылған. Екі інісі 13-14 жастарында өз беттерінше соғысқа сұранып кетіп, екеуі де аман оралған. Бірі - танкист, екіншісі - разведка құрамында болған.Жұмабек есімді інісі соғыстың басынан аяғына дейін қатысып, немістің үлкен ақ аккордеонымен Алматы вокзалынан түссе, тылдағы бандиттер машинамен қағып, аккордеонын алып кеткен.
