Көктем туралы мына ән өзіме қатты ұнайды.
„Қос қарлығаш”
Бір күн келіп алмастырып бір түнді,
Көктем келіп айналамыз құлпырды.
Қос қарлығаш тыным таппай тағатсыз,
Жөндеп жатыр ескі ұясын былтырғы.
Қайырмасы:
Қос қарлығаш көктемде,
Қанат қағып жеткенде,
Қандай сезім жетеледі туған мекенге?
Тағып алып ақ тұмар,
Жұлдыздай боп ақтыңдар.
Ерте өшкен үмітімді,
Қайта жақтыңдар.
Қос қарлығаш, қияқ қанат достарым,
Қанатымен тілгілеген аспанын.
Тілгіленіп қалар еді-ау жүрегі,
Ұя салса ауласына басқаның.
Қайырмасы:
Қос қарлығаш тағдырларын тең бөлген,
Тірліктерін туған жерге өңделген.
Әрбір адам туған жерін сүюді,
Үйренсе екен, үйренсе екен сендерден.
http://a2.mynur.kz/download/a/gk/ar/fh/2f/gkarfh2f/name/%D0%9D%D2%B1%D1%80%D0%9C%D2%B1%D2%9B%D0%B0%D1%81%D0%B0%D0%BD+-+%D2%9A%D0%BE%D1%81+%D2%9B%D0%B0%D1%80%D0%BB%D1%8B%D2%93%D0%B0%D1%88%28music.nur.kz%29.mp3
