Американың он үш құрама Штаты бір ауыздан қабылданған декларация
Адамзаттың даму барысында бір халыққа өзін басқа бір халықпен байланыстырып келген саяси келісім-шарттарды тыйып, барша ғаламдағы басқа тәуелсіз елдердің арасында табиғат заңдары мен Жаратушы хақылы еткен, жеке әрі тең мәртебе алу қажет болғанда, адамзаттың пікіріне деген лайықты сыйластықтың жолымен, сол халықтан ел болып бөлек шығуға мәжбүрлеп отырған себептерді жариялау талап етіледі. Біз мыналарды дәлелдеуді қажет етпейтін хақ деп білеміз: барлық адамдар бір-бірімен тең жаратылған; оларға Жаратушы белгілі ажыратылмас құқықтар жазған; ол құқықтардың ішінде өмір, бостандық һәм бақытты болуға ізденіс бар; осы құқықтарды қорғау үшін адамдардың арасынан үкімет қалыптастырылып, оған әділ өкілеттік құзырындағы басқарылушылардың ризалығымен беріледі; үкіметтің кез келген түрі осы көзделген мақсатты жоятындай болса, халықтың оны өзгертуге яки жоюға, үкіметтің іргетасын бастарын аман һәм бақытты қылатындай қағидалардан қалап, оның өкілеттігін де соған сай ұйымдастырып, жаңа үкімет орнатуға хақысы бар.
Жоғарыда: Тәуелсіздік декларациясының алғаш жарық көрген, сирек кездесетін баспа нұсқасы. Құжаттың түп қолжазба нұсқасы Вашингтонда Ұлттық архивте тұрақты көрмеге қойылған.
Дерек көзі: АҚШ елшілігінің ресми сайтынан алынды.
