Бұл не деген масқара?! Соңғы уақытта Шымкентте келіндерді құл секілді қарайды деген мақалалар түгілі осы сайтта да 2-3 рет кезіктірдім сұрақтарды. Бұндай сұрақты қоюдың өзі ұят емес пе?! Мойындау керек, оңтүстік пен батыста салт-дәстүрімізге қатты қарайды. Оның несі айып? Керісінше керемет емес пе, жаңа түскен келіннің басында әппақ пәктікті білдіретін шәлісі бар. Бұндай сезімді (алғаш орамал таққандағы және одан кейінгі) жазып жеткізу де мүмкін емес. Бұндай дәрежеге жетпегендер де бар. Өзіңіз ойлап қарасаңыз, орысқол отбасына келін боп түстіңіз делік, орысша тәрбиедегі отбасы біздің қазақи менталитеттегі ұсақ-түйек кей нәрселерге түсіністікпен қарай алмай арадағы сезімге қаяу келуі де мүмкін. Қазағымыздың ғұрыптары ешқашан кері нәрсеге үндеген емес, керісінше, өмір сүру тәртібіміздің сара жолы екендігін естен шығармалық, ағайын. Сондай-ақ, осы секілді қажетсіз сұрақтардан да шектелерміз деген үміттемін.
