Question

Лимоннан қандай маска жасауға болады ?

Answer 1

"Лимон қабығын тастамаңыз" атты жазбамыздағы оқырманымыз Парасат Оспанованың сұранысы бойынша, көк шай мен лимоннан жасалатын бет маскасының дайындалу жолын ұсынамыз.

Бірінші нұсқа.

Керек заттар:

- көк шай шамасы - 20 грамм,

- лимон шырыны (лимонды сығып алу керек) - 6 мл,

- бал - 10 грамм.

Дайындалуы:

Жылы көк шай шамасына лимон шырыны мен балды араластырамыз. Пайда болған қосындыны бетке жағып, 15-20 минут ұстаймыз. Салқын сумен шайып тастаймыз. Бұл масқа барлық тері түріне қолданылады.

Екінші нұсқа.

Керек заттар:

- құрғақ көк шай - 20 грамм,

- ашытқы (дрожжи) - 20 грамм,

- лимон шырыны - 5 мл.

Дайындалуы:

Ашытқыны шайға араластырып, оған ыстық су құйыңыз. 15-20 минутқа қалдырып, лимон шырынын қосыңыз. Пайда болған қосындыны бетке аптасына 2 рет жағу керек. Масканы жылы көк шаймен сүртеді.

Answer 2

Лимоннан жасалатын маскалар

Секпілден арылуға көмектесетін үй жағдайында лимоннан жасалатын маска: Лимон шырыны мен балды бірдей пропорцияда араластырыңыз. Артынша бұл қоспаны дәкенің көмегімен бетіңізге жағып, 20 минутқа қалдырыңыз. Уақыт болған соң бетіңізді жылы сумен шайыңыз.

Майлы бетке арналған үй жағдайында жасалатын маска: 1 жұмыртқаның ақуызын әбден көпіршітіп, үстіне 5 тамшы лимон шырынын тамызыңыз. Дайын болған қоспаны бетіңізге 10-15 минутқа қалдырыңыз. Артынша жылы сумен жуыңыз.

Лимон, мұнымен қатар, сүйелден арылуға көмектеседі. Лимон қабығы үгіндісінің үстіне 30%-дық жарты стақан сірке суын құйыңыз. Бұдан кейін қақпағын жақсылап жауып, бір аптаға сол күйінде қалдырыңыз. Және арасында шайқап қоюды ұмытпаңыз. Бір апта уақыт өткен соң ерітіндіні күніне бірнеше рет сүйелдің үстіне жағыңыз.

Лимоннан майлы бетке арналған ласьон жасауға болады. Лимон шырынының үстіне дәл сол көлемде су құйыңыз. Артынша осы ерітіндімен күніне 2-3 рет бетіңізді сүртіңіз.

Ал егер сіздің теріңіз құрғақ болса, келесі масканы жасағаныңыз абзал. 1 ас қасық қаймаққа 1 ас қасық лимон шырынын қосып араластырыңыз. Дайын болған қоспаны бетіңізге жағып, 10-15 минутқа қалдырыңыз. Міндетті түрде жылы сумен шайыңыз.

Лимон маскасының көмегімен еріннің үстіндегі және иектегі түктердің түсін ағартуға болады. 1 жұмыртқаның ақуызына 2 ас қасық лимон шырынын қосыңыз. Алайда бұл масканы тек түк бар тұстарға ғана жаққан дұрыс. Және оны 15 минуттан артық ұстамауға тырысыңыз.

Бұл рецепт өте құрғақ бет терісіне арналады: 1 ас қасық лимон шырынын дәл сол көлемдегі балмен араластырыңыз. Үстіне 1 ас қасық сұлы жармасының ботқасын қосыңыз. Оны бетіңізде 10 минутқа қалдырып, артынша жылы сумен шайыңыз.