1910 жылы Копенгагенде жұмысшы әйелдер қатысқан 2-халықаралық конференцияда социал-демократ партиясы әйелдер тобының жетекшісі Клара Цеткина 8 наурыз - Халықаралық әйелдер күнін жыл сайын атап өту туралы өз пікірін білдіреді. Оның ұсынысы әйел құқығын қорғауға бағытталған үлкен ұран ретінде қабылданады. Ең алғаш рет бұл күн Нью-Йорктегі тоқыма, аяқ-киім фабрикаларының жұмысшы әйелдерінің наразылық шеруі, яғни «бос кастрюльдер маршынан» бастау алған деп айтылады. Бірақ кейін кейбір зерттеушілер бұл фактінің толық дәлелденбегенін, осындай аңыздың мерекенің тамырын кеңестік идеологиядан ажырату талпынысынан туындағанын жазған.
Ал 1975 жылы Біріккен Ұлттар Ұйымы Кеңес Одағы идеологтарының ықпалымен ресми түрде 8 наурызды Халықаралық әйелдер күні ретінде жариялайды. Бірақ бұл мереке осы ұйым ауқымында негізінен әйелдерді құттықтап, тойлатуға емес, әйелдер құқығы мен гендерлік мәселелерді көтеруге бағытталған. Мысалы, ЮНЕСКО ресми сайтында биылғы мерекенің «ауыл әйелдерінің құқығы мен мүмкіндіктерін кеңейтуге, қайыршылық пен ашаршылықты жоюдағы олардың рөлін арттыруға» арналғаны жазылған. Еуропалық әйелдер өткен ғасырдың бас кезінде бұл күнді әлеуметтік наразылық шерулер өткізумен еске түсірсе, кейін бұл мереке олар үшін мүлдем мәнісін жойған.
http://www.baq.kz/news/9296 толығымен осы жерден оқи аласыз...
