«Қазақстан ұстазы» әдістемелік журналы
Ұстаз – ұлағатты атау. Алтын ұя мектептің жаны да, ары да – мұғалім. Өнегелі ұстаздан өрелі шәкірт шығатыны белгілі. Себебі ұстаз қаншалықты қабілетті болса, оқушы да соншалықты талапты болмақ. Білімді мұғалім – қай кезде де ең алдымен кәсіби деңгейі жоғары, интеллектуалдық, шығармашылық әлеуеті мол тұлға. Сол себепті ұстаз мәртебесін көтеру бүкіл ел мәртебесін көтеретін өзекті шаруа болып табылады. Осы орайда, ұстаздық етіп жүрген мұғалімдердің мәртебесін асқақтатып, олардың елеулі еңбек жетістіктерін бүкіл әлемге мақтанышпен паш ету және ел мектептері арасындағы қарым-қатынасты жетілдіру мақсатында «Қазақстан Ұстазы» республикалық әдістемелік журналы бастау алды. Журнал нөмірлерін www.ustaz.kzu.kz сайтынан оқуға мүмкіндік жасалған. Мақалалар, хабарландырулар, жарнамалар, құттықтаулар мемлекеттік және ресми тілдерде қабылданады. Журнал электронды және қағаз түрінде тоқсан сайын шығарылады. «Қазақстан Ұстаздары» қоғамдастығының мүшелері журнал саясатына ықпал етіп, жетілдіру ұсыныстарын ресми сайт арқылы немесе электрондық поштамызға (info@ukz.kz) жібере алады.
