Мұнай бағасының түсуінен пайда көретін елдер бар ма?

Question

Қара алтынның бағасы құлдырап барады.  Қашан тұрақталады деп ойлайсыз?   Осы мұнай бағасының түскені қай елдерге тиімді болып отыр?

Comments

Мұнай бағасының  төмендеуі жеңіл өнеркәсібін жолға қойып алған  Үндістан, АҚШ, Түркия, Бразилия, Индонезия , Қытай елдерінің экомикасына пайдалы екен.  Жауаптар үшін рахмет.

_Көркем_ 26.01.2015 пікір

Answer 1

Оман, Сауд Арабиясы сынды елдер қара алтын бағасын 18-20 долларға дейін төмендетуге бекініп отыр екен. Бұл баға - шаншып қалған жерден мұнай шығатын осы мемлекеттердегі көмірсутектің өзіндік құнына тең. Ал климаттық жағдайы мен тасымалдау шығыны көп Америка, Ресей, Еуропа елдерінде шикізаттың өзіндік құны 2 есеге қымбат.

Сондықтан, белгілі бір мұнай алпауыттары баға түсу үшін, өндірілетін өнім көлемін арттырып отыр. Осылайша, нарықтағы шикізат мөлшері сұраныстан артқанда көмірсутектің құнын жоғалтуы заңдылық. Алайда, Кувейт, Оман, Сауд Арабиясы сынды негізгі мұнай экспорттаушы елдер арзан сатқанымен, өнім көлемін көбейту арқылы пайдасын сақтап қалады. толығырақ

#t=192

Answer 2

Бұл жерде үлкен ойын жүріп жатқан сияқты. 80-ші жылдары да осындай мұнайдың құлдырауы болған екен. АҚШ пен Арабия КСРО-ны жазалау үшін мұнайдың бағасын түсірген екен. Нәтижесінде өздеріне соның ішінде Арабия қатты шығынға батқан екен. Қазір АҚШ мұнай өндіруді арттырып жатыр, ол жөнінен Арабияны артта қалдыруы мүмкін. Неғұрлым көп өндірген сайын соғұрлым арзандатуы мүмкін. Бір жағынан мен де жоғалтып жатырмын бірақ оның жоғалтқаны одан да көп деген ойын сияқты. Бәрі сол Ресейдің Донбас пен Қырымды(Украина) тартып алуынан басталды ғой. Бұның ақыры біреуіне қатты батқанда тұрақталуы мүмкін. Пайдасын мұнайды көп тұтынатын елдер көретін шығар. Ал бізге бәрібір сияқты, бәрі кері кеткен. Мұнай қымбаттаса да арзандаса да бензиннің бағасы керісінше көтерілмесе бір түспейді.

Comments

Қателеспе. Мұнай бағасының төмендеуі мен Украинадағы азаматтық соғыс арасында ешқандай байланыс жоқ. Кім болса соның айтқанына еріп, Ресейді жамандаудан аулақ бол.

m.virus2013 24.01.2015 пікір

---

Ресейді жамандаудан аулақ деп Украинаға қатысты айтылған болса бұл жерде жақтайтын да ештеңесі жоқ. Ол жердегі төгіліп жатқан адамдардың қаны Ресейдің мойнында. Туған жеріңе, тұрып жатырған жеріңе әскер кіргізіп бүлік шығарып жатырса оның несі жақсы, өте жаман.

Еркебұлан_Сақтағанов 24.01.2015 пікір

---

Еркебұлан, Украинада Ресейдің солдаттары соғысып жатқан жоқ. Сепаратистер мен Украина әскерлері соғысып жатыр. Яғни, бұл азамат соғысы.

m.virus2013 25.01.2015 пікір

---

Сол сепаратистерді кім қаруландырып жатқанын да ойлап қою керек. Украинаның артында батыстың көмегі тұр. Бұл жерде де Грузия мен Молдованының сценариін көруге болады Ресейдің әрекетінен.

Еркебұлан_Сақтағанов 25.01.2015 пікір

---

Оның рас. Қай елде азаматтық соғыс болса, бір жақты АҚШ, екінші жақты Ресей қаруландырып отырады. Саясат деген сол - ұлы мемлекеттер бір-бірімен бақталас болады.

m.virus2013 25.01.2015 пікір

Answer 3

Өзі бұрыннан мұнайды негізгі пайдаланушы елдар АҚШ пен Батыс Европа, ал өздіруші Азия мен Орта Азия мемлекетері. Мұнай төмендесе пайдасын көретін тұтынушылар, зиянын өңдірушілер ғана көреді. Көлік бизнесі де солай болып тұр ғой, пайдасын алып сатарлар көріп, зиянын өңдірушілер татып.

Answer 4

Әйтеуір бізге тиімді емес ;-) Өңірде мұнайшыларды қысқартып, қытайлардың көбісі қайтып кетті.

Answer 5

Мұнай - әлем экономикасының қаны деуге болады. Оның бағасының өзгеруі бүкіл әлемнің барлық елдеріне де әсер етеді. Мұнай бағасының төмендеуі барлық елдерге, барлық адамдарға да зиян құбылыс. Мысалы, нанның бағасы төмендеп, бір бөлке нан 2 теңге болып қалса, қалай болар еді? Осы туралы ойланып көрші.