Мен соңғы кезде ояна сала саналы түрде әрекет ете алмайтын болып қалдым. Өткенде оятқыш сағаттың дыбысынан оянып, орнымнан тұрып оны өшіріп, қайта ұйықтап қалыппын. Оның бәрі есімде, бірақ дәл сол кезде өзімнің еркімнен тыс істейтін сияқтымын. Ал бүгін көз алдымда сағаттың шырылдап жатқанын көре тұра қалай өшіруді білмей бөлмеде біраз жүрдім. Сосын жарықты жақтым, дыбыс әлі өшпейді. Басқа бөлмелердің де шырағын түгел жағып тастаппын біраздан соң есімді жиып қарасам. Бірақ сағат әлі шырылдап жатыр. Сосын ғана барып өшірдім. Неге оянғанда есімді бірден жия алмай қалатын болдым? Бұған не себеп? Қалай сергек оянуға болады?
