«Тірі мүсіндер» жасайтын дизайнердің өнері әлемді таңғалдыруда - ВИДЕО
Қытайда «тірі мүсіндерді» жасап, әлемдік өнердің сахнасынан орын тапқан қытайлық Ли Хунбо шартарапта өзінің көрмелерін ұйымдастыруда.
Оның қолынан шыққан мүсіндер бір қарағанда тастан немесе гипстен қашалғанға ұқсайды.
«Мен бұл технологияны қағаздан жасалған көне Қытай ойыншықтары мен шамның негізінде жасап шығардым. Бұны ары қарай дамытып, бастапқы кезде тапанша ойыншық жасадым. Ол ойынға да, кейін пішінін өзгертіп, ғимарат ішін безендіруге де оп-оңай қолданыла алады», - дейді шебер.
38 жастағы пекиндік Ли Хунбо өзінің мүсіндерін бірнеше жүздеген қат қағаздан пішіп жасайды. Оның технологиясы қытайлық шамнан алынған. Оның айтуынша, оны қашау барысында жұмсақ таспен жұмыс істегендей боласын. Ал мүсіндердің өзі көрген адамды таңғалдырмай қоймайды.
Источник:http://kaz.gazeta.kz/news/tiri-musinder-zhasajjtyn-dizajjnerding-oneri-alemdi-tangghaldyruda---video-newsID160838.html
