Ия, жолдардың жаман, көліктің қымбат екендігіне келіспеуге болмайды. Алакөл – тамаша жер. Ол - емдік қасиеті өте мол ағынсыз су қоймасы. Мұндағы Арқаның қуаң даласындағы құрғақ ауа теңіз бетіндегі дымқыл ауамен араласып жағасындағы адамға жағымды әсер береді. Көл суы да минералды ресурстарға, йодқа, тұзға, химиялық элементтерге бай болғандықтан, судың денсаулыққа пайдасы медицинада дәлелденген. Кезінде үкімет кластерлі бастамамен шығып, Алакөл, Бурабай немесе Балқаштың туристік потенциалын көтеруге бағытталған. Бұл жердегі негізгі проблема – өңірлерді дамытудың нақты бағдарламасының жоқтығы. Ал өңірлік даму аясында, өкінішке орай, шенеуніктер туризмді үшінші сұрыпты сала деп санап отыр. Яғни спорт, мұнай, газдан кейінгі орында тұрғандықтан, көбіне облыстық әкімшіліктің көзінен таса қалып отыр. Жағдай дұрысталмайынша, әкімдер назарын туризмге аудармайынша, жағдайдың оң шешім табуын күту мүмкін емес.
