Кішкене кезімнен бері білемін, 16-желтоқсан тәуелсіздік күні жылда ерекше аталып өтілетін. Жиындар, әртүрлі тарихи материалдар көрсетіліп, шаралар өтетін. Мектепте сол туралы әр түрлі өлеңдер жаттап, Қайрат, Ләззат туралы көріністер көрсетіп, сол туралы шығармалар жазып, ашық сабақтар өтілетін. Теледидарда да сол көрсетілетін. Жаңа жыл туралы әңгіме де болмайтын, жаңа жылдың көлеңкесінде тәуелсіздік қалып кетеді деген ой ешкімнің басына кіріп шықпайтын.
Қайсысы қайдан оянғанын қайдам, бірақ осы жылы бірден жаңа жыл тәуелсіздік күніне жағаласатын болып қалды. Не үшін олай болып жатыр? Біреулер шыршаларды айтып анау-мынау деп, сол шыршалар орнатылмаса кім білет, тағы сөйлеп шығатын еді. Желкеден мүйіз шығарғысы келген шенеуніктердің ісі ме әлде елдің қамын жеген халық қалаулыларының шын көңілден шырылдап істеген істері ме? Қалай ойлайсыздар?
Өз ойым жаңа жыл ешқандай мерекеге көйлеңкесін түсірмейтін сияқты, басы бар адам ештеңеге қарамай елінің тәуелсіздігін атап өтеді, ал басына жетпейтін адам он күн асын берсең де не тойланып жатқанын, не аталып жатқанын түсінбейді.
