Әр ұлттың өзіне тән менталитеті болады. Корейлерді конфуцийшілдік бойынша жастайынан ешкімге қарсы шықпауға, ашу-ызасын ішінде сақтауға, жұдырық жұмсамауға үйретеді. Содан ұл бала өжеттіктен жасқаншақ, елдің қабағына қарағыш боп өседі. Сондай-ақ корей қоғамында отағасы бала тәрбиесіне тым сирек араласады. Мектепте мұғалиманың, үйде анасының ғана тәрбиесін көріп өскендіктен еркекке тән мінезді кейбір балалар бойына сіңіре алмауы мүмкін. Тағы бір себеп, корей телехикаяларына түсетін жігіттердің бәрі актер екенін көбісі ескермейді. Қарапайым халқының ішінде "жігіт сияқтылары" толып жүр. (Қызғанады дейсіз бе? Қазақ жігіттер корейлерді қызғанып не көрініпті?! Жай кейбір қылықтары біздің ұлт үшін жат болғасын солай ойлайтын шығар.)
