Шын есімі -Шүкіман Байшорақызы. Төменде Әйгерім деп аталуының тарихы толығырақ көрсетілген:
Абай әкесі Құнанбай Меккеге кеткен соң артынан Семейде неше күн тұрып қайтқан жолында, досы Ербол екеуі Байшора ауылына түседі.Ауылға жетер жолда жаңбыр қатты құйып кеткен еді.Шай ішіп денеге жылу кірген соң, Абай оттың жылуында аздап мызғып алады да, түс көреді.Түсінде өз ғашығы Тоғжанды көреді де, кенет бір дауыс шығып Абайды шақырғандай болады.Абай ұйқылы-ояу күйде сыртқа шығады. Досы Ерболда ере шығады. Сөйтсе көрші үйде кезінде Тоғжанмен бірге алты бақан теуіп, салған әні «Топай көк» әні бұлбұл даусындай құбылып шығады.Естіген жерден Абай Тоғжан деп таниды. Бірақ іс жүзінде ол Тоғжан емес, бірақ Тоғжаннан аумай қалған Байшораның әнші қызы Шүкімән болып шығады. Ал Әйгерім атын өзі әнші, өзі сұлу бітімге Шүкімән деген атты лайық емес деп тауып, Ербол екеуі Әйгерім деп ат қояды.
