Шейх (араб.: شيخ) — қария, ақсақал, қарт адам; тайпаның, рудың, әулеттің ақсақалы; Арабиядағы тайпа басшысының лауазымы. Шейх атауы діни қайраткерлерге, діни пәндер білімпаздарына, сопылық бауырластықтар мен сауда-қолөнер серіктестігі басшыларына, ұстаздарға қатысты айтылатын құрметті атақ. Бұл атақ кейбір адамдардың аты-жөніне тұрақты түрде тіркеліп айтылады: аш-Шейх әл-Бухари, аш-Шейх әл-Мүслим, т.б. Шейх сөзі кейде күрделі лауазымдық атақ құрамында да айтылады: Шейх әл-джамал (қажылық басшысы), Шейх әл-балад (жандарал бастығы), т.б
