Бірінші, тіл мәселесі. Қазақ тілін қолдану аясын кеңейту керек, орысша, ағылшынша т.б. тілдерді шетелге барғанда ғана қарым-қатынас жасау үшін қолдану керек, Қазақстанда таза қазақша деген талап қою керек... Екінші, дін мәселесі. Ислам дінін таза ұстану керек, жастарымыздың адаспауы үшін мектеп кезден бастап "Исламтану" сабағын өткізу керек, басқа діндерді халық арасында насихаттауға шектеу қою керек... Үшінші, экономикалық мәселе. Халықтың қаржылық жағдайы күннен-күнге төмендеуде, шетелден тауар сатып алуды азайтып, өзімізден фирма, зауыттар ашу керек және жұмыссыздарды сол кәсіпорындарға орналастыру керек... Төртінші, жемқорлық мәселесі. Жемқорлықты түбегейлі жою мүмкін емес, бірақ азайтуға болады, азайту үшін әркім өзінен бастау керек, бірақ, ешкім азайтқысы келмейтін сияқты... Бесінші, жастар арасындағы қылмыс мәселесі. Бұл мәселені тоқтату үшін, жаза ауыр болу керек және учаскелік инспекторлар дұрыс жұмыс жасау керек... Жалпы, айта берсек Қазақстанда мәселелер өте көп, оларды жоюға әрекеттенсек нәтижесі жақсы болары сөзсіз, әрбір мәселені шешуге болады, "шешілмейтін түйін жоқ", сол мәселелерді шешуді өзімізден бастайық!
