Халқымның көшбасшысы
Тәуелсіз қазақ елім,
Бақ қонған ғажап елім.
Нұрсұлтан Назарбаев
Артамыз сізге сенім.
Елім деп, жерім деген,
Адымдап сенімменен.
Халқымның көшбасшысы
Еңбектен ерінбеген.
Президент ең алғашқы,
Қырандай самғап ұшты.
Халқымның көшбасшысы
Келер күн құшақ ашты.
Жұртымның көшін бастап,
Елімнің үмітін ақтап,
Ұлтымның көшбасшысы
Бірлікті берік сақтап.
Асамыз асулардан
Құламай тасулардан
Әлемнің алды болу
Ол үшін асыл арман
Үлгі боп келешекке
Балаға,ересекке
Президент даңқымызды
Көтерер келешекте
Биік боп көздегені
Бірлік боп іздегені
Халқымның көшбасшысы
Жастарға ол сенеді
Уәдені біз сақтаймыз
Біз жастар құр жатпаймыз
Үмітін елбасының
Шынында біз ақтаймыз
Шымкент қаласы
Назарбаев Зияткерлік мектебі
ФМБ 8Е сынып оқушылары, Пірімхан Нұрасыл
қазақ тілі сабағы,пән мұғалімі Дина Күдерқызы.
Ауыр күнді артымызға тастауы –
Қиын сәтте қиындықтан қашпауы.
Тілім, дінім, ұлтым қайта көгерген,
Елбасымыз Нұрағаңның бастауы
Туды ұстап тура жолға түсіріп,
Жас Отанның өмірін де түсініп,
«Елім, жерім» деп ұрандап тайсалмай,
Бір керемет жасады-ау кісілік!
Тіліммен Дінім, Ұятым, Арым, Берекем!
Еліммен Жерім, Арманым, Мұңым, Мерекем!
Алатау Тұлға, Оранған нұрға бақ дарып,
Тәңірден тағлым бұйырған дара Ер екн!
Елбасым, Елбасым!
Айбарым, Ардағым!
Елбасым, Елбасым,
Ойлаған Халқының арманын.
Кемеңгер, көрігім,
Тасқыны жаңа жыр арнаның!
Тамырын терең тарихтан тартып екшеген,
Жүзінен нұры, жүректен жыры өшпеген!
Тәуекел қайық, бақытқа бастар жол ауыр,
Келеді Елі бастаған ұлы көшпенен!
Даналық, мәрттік, ірілік, иман, мың өнер,
Дарабоз, дархан туған ұлым деп біледі ел!
Қай заманда да жол бастар ұлы тұлғалар,
Халқыңның мына бақытына аман жүре гөр!
Елбасым, Елбасым,
Айбарым, ардағым!....
Аллаға жалғыз сыйынып,
Алдында Хақтың иіліп!
Қолға алдық ізгі бір істі,
Намазды қыздар жиылып.
Қазақта тұңғыш Елбасы,
Пана боп Алла, қолдашы!
Тілменен Дінді сақтаған,
Бар Қазақ Сіздей болсашы!
Анадан туар Алыптар,
Ана тіл деген қалып бар!
Уызбен құйған мәйегін,
Мырзамен Әлжан Аналар!
Иманның шамын жандырсақ,
Елменен түлеп, жаңғырсақ.
Атынан Әлжан Ананың,
Медресе, Мешіт салдырсақ!
Шақырсақ туыс, жақынды,
Асарға деген мақұл-ды.
Тілекті сонда берер ме,
Жаратқан Ие рахымды!
Жаратқан Ие рахымды!
Сенің атың Нұрсұлтан
Туған елің Қазақстан
Мен Сізден үлгі алам
Қазақстаныммен мақтанам!
НҰРСҰЛТАН
Сөзі, Әні: Серікбай Маханұлы
“Нұр”-жарық,”Сұлтан”-басшы ел білгенге,
Ежелден қамқор болған тілегенге .
Жаңартып ата саптын - елін ойлап ,
Өмірді жалғастырды күйзелгенге .
Қайырмасы :
Күн көзінен көрінген ,
Жарық сәуле өрілген .
Ел басшысы Нұрсұлтан
Халқына шын берілген .
Нағыз батыр - ер жүрек
Бейбіт күнге зор тірек.
“Нұр” - ойнап жаратылған келбетіне ,
Тыныштық тілегені жер бетіне .
Елтаңба , Ту көтерді Әнұранмен ,
Қазақтың Астанасы нақ төріне .
Қайырмасы :
Достықпен дүниені табындырдың ,
“Киелі” кең далаңа ел қондырдың .
Нұрсұлтан жасай бергін-бейбіт жолы,
Әлемге қазақ елін таныстырдың ,
Қайырмасы :
Достық туын көтеріп
Сөзі, Әні: Серікбай Маханұлы
Өмір шамың қайта жанды сөнгенде,
Нұрсұлтаным Президент боп келгенде.
Шаттықпен адам жүзі күлімдеп,
Дауыс берген сайлау күні бар пенде.
Қайырмасы:
Достықтың туын көтеріп,
Еліңе бақыт келтіріп.
Президент болдың Нұрсұлтан,
Қазақтың салтын тербетіп.
Сансыз бұлақ ағып жатты бұлқынып,
Таңым атты шұғыладан нұр құйып.
Шетте жүрген бауырларым бас қосып
Егеменді “Қазақ”-деген ел болып.
Қайырмасы:
Еркіндіпен достық орнап еліңе,
Көк байрақты желбіреттің көгіңе.
Жер бетінен барлық қазақ жиналып,
Көш бастады ұлылықтың төріне.
Қайырмасы.
Елбасыма
Жаным менің, Жүрегімнің іңкәрі,
Арай тұнық, махаббаттың нұр таңы!
Түркістан боп аялаған санамды,
Ұлы Бидің шұғылалы бұрқағы!
Аспандағы ай, жұлдызым сен менің,
Қадір түнім, таңғажайып ертеңім!
Меккедегі Қағбадай көз тартасың,
Аққу құсым, қиялдағы ертегім!
Ұлы Патшам, сол қабағың тартты ма,
Жүрегіңе сағынышым батты да!
Жақсылықтың періштесі болып кел,
Зәмзәм мөлдір, кәусәр бұлақ, ақ тұма!...
Жаным менің, Жүрегімнің іңкәрі...
Қара Жер жаралғалы қазағымның,
Шын сүйіп, шын түсінген азабын кім?
Жүрекке қолды қойып ниет қылдым,
Жетті деп тарихымды жазатын күн.
Уақыттың диірмендей тасы айналад…
Ұл туса, бауырыңа бас аймалап.
Тағдырды Алла ғана нәсіп етіп,
Тарихты Тұлға ғана жасай алмақ!
Жанардың жәудіретіп нұрын ала,
Бұл күнді күтті қанша Ұлы Дала.
Ұл туды бір Анасы Алты Алаштың,
Күн шықты арай шашып құбылаға.
Күн шықты арай шашып аспаныма,
Дүния кілт айналды басқа ағымға.
Ол Ана ұл тумапты, нұр туыпты
Бүгінгі өзек болар дастаныма.
Ол ұлдың заты – Нұрдан, аты – Сұлтан!
Кеш туған зарықтырып уақытынан.
Жаралған жан әлемі Күлтегіндей,
Халықтың арман, тілек, бақытынан.
Қалауын қабыл қыл деп құс – көңілдің,
Асығы алшысынан түскен ұлдың.
Алладан мәдет тілеп жатқан шығар,
Бауырында Әбіш әкей Үшқоңырдың.
Адал боп ақыреттік жан-жарына,
Қарайлап қоңыр тірлік, мал-жанына.
Ұлтына тұтқа болар перзент сыйлап,
Ол да, әне, үнсіз жатыр Әлжан-Ана.
Жанардың жәудіретіп нұрын ала,
Бұл күнді күтті қанша Ұлы Дала.
Ұл туды бір Анасы Алты Алаштың,
Күн шықты арай шашып құбылаға.
Ел үшін Жерді шарлап ұшқан ұлым,
Ұлт үшін аямаған күш-дарынын.
Қазақта Ер тумайды енді Сіздей,
Жарылып кетсе де өті дұшпанымның.
Бабалар армандаған ізгі үмітпен,
Арылды дана халық жүз күдіктен.
– Нұраға, о не дейсіз? Біз дайынбыз!!!
Тарих тұр сахнадан Сізді күткен
