Жұмбақтың шешуін таба алмаған адам "анау шығар, мынау болар" деп өз болжамын айтып, тағы да біраз ойланғаннан кейін атам қазақ көбінесе "болдың ба?" дейді. Бұл сөздің алдында "іздеп-іздеп" деген сөздің тұрғанын жұмбақты шешуші адам айтқызбай-ақ пайымдайды. Ал "жеңілдің бе?", "берілесің бе?" деген тілдесу орыстың "сдаёшься" сөзінің тікелей аудармасы. Соның әсерінен "жеңілгенің/із/ді мойындайсың/сыз ба?" деген де тіркес қалыптасқан. Қазіргі жастар солай айтады.
