Қазақстан Республикасы Еңбек кодексінің 7- бабына сәйкес ешкімді де өзінің еңбек құқықтарын іске асыру кезінде жынысына, жасына, дене кемістіктеріне, нәсіліне, ұлтына, тіліне, мүліктік, әлеуметтік және лауазымдық жағдайына, тұратын жеріне, дінге көзқарасына, саяси сеніміне, руға немесе текке-топқа, қоғамдық бірлестіктерге қатыстылығына байланысты ешқандай кемсітуге болмайды.
Жұмыспен қамту мәселелері жөніндегі уәкілетті органның, еңбек делдалдығын көрсететін жеке және заңды тұлғаның, сондай-ақ жұмыс берушінің жұмысқа қабылдау үшін бос жұмыс орындары туралы еңбек саласындағы кемсітушілік сипаттағы талаптарды қамтитын ақпаратты орналастыруына тыйым салынады.
«Халықты жұмыспен қамту туралы» Қазақстан Республикасы Заңының 5 бабына сәйкес мемлекет азаматтарға халықты жұмыспен қамту саласында азаматтарға жұмыссыздықтан әлеуметтік қорғауға, уәкілетті органдардың делдалдығы арқылы жұмыс таңдау мен жұмысқа орналасуда жәрдемдесуге кепілдік береді. Мемлекет халықтың нысаналы топтарын жұмыспен қамтуға жәрдемдесу жөніндегі шараларды қамтамасыз етеді.
Осыған байланысты, Сізге мамандық бойынша жұмысқа орналасуға жәрдем көрсететін тұрғылықты мекенжайыңыз бойынша Жұмыспен қамту орталығына өтініш білдіру қажет.
Сонымен қатар жұмысқа орналастыру мақсатында Сіз сол тұрғылықты мекенжайыңыз бойынша Жұмыспен қамту орталығына өтініш білдіру арқылы «Жұмыспен қамту 2020 жол картасы» бағдарламасына қатысуыңызға болады.
Мамандығыңыз бойынша тиісті жұмысты ұсыну мүмкіндігі болмаған жағдайда уәкілетті орган Сізді әлеуметтік жұмыс орындарына, қоғамдық жұмыстарға жіберуі мүмкін.
Бұған қоса, Қазақстан Республикасы Еңбек және халықты әлеуметтік қорғау министрлігінің сайтында (мекенжайы: www.enbek.gov.kz) Сіз жұмыс берушілердің деректерінің негізінде уәкілетті орган ұсынған өңірдің еңбек нарығындағы бос жұмыс орындарымен таныса аласыз, сонымен қатар жұмысшылар мен қызметкерлердің кәсіптер (қызметтер) тізбесінен өз мамандығыңыз бойынша жұмыс таңдай аласыз.
Орын. Жапалбаева А.М. - Жұмыспен қамту департаменті
Ақпарат көзі: http://www.mzsr.gov.kz/kk/taxonomy/term/516
