ҚР Еңбек кодексінің 185-бабының 2-тармағына сәйкес, егер әйел еңбек шартының мерзімі аяқталған күні мерзімі он екі апта және одан көп апта жүктілігін растайтын медициналық қорытынды ұсынса, жұмыс беруші оның жазбаша өтініші бойынша еңбек шартының мерзімін бала үш жасқа толғанға дейін ұзартуға міндетті. Яғни жұмыс берушіңіздің әрекеттері аталған нормаларға қайшы келеді. Бұл орайда сізге жұмыс орныңыз орналасқан жердегі Бақылау және әлеуметтік қорғау департаментінің Еңбек инспекциясына шағымдануыңыз қажет.
