«АЛСЕКО» АҚ мамандарының айтуына қарағанда, коммуналдық төлемдер белгіленген мерзімде төленбеген жағдайда өсім қосылуы заңды. Уақытынан кеш төленген коммуналдық төлемдерге қосылатын өсімді қызмет көрсетуші әр мекеме заңда бекітілген тәртіппен өздері белгілейді.
Пәтер иелері кооперативі жұмысына көңілі толмағандықтан, коммуналдық төлемақыларды төлемей қою заңсыз. Бұл жағдайда өсім мөлшері күн санап арта береді. Ал қарызды Пәтер иелері кооперативі сізден сот арқылы өндіріп алуға құқылы.
