ҚР Денсаулық және әлеуметтiк даму министрлігі сарапшы-мамандарының айтуынша, біріншіден, еңбек заңнамасы Қазақстан Республикасының аумағында орналасқан бүкіл мекемелер мен ұйымдарға (олардың ұйымдық-құқықтық және меншік нысанына қарамастан) қолданылатынын атап өткен жөн. Ал, екіншіден, ҚР Еңбек кодексінің 29- бабының 1-тармағының 2-тармақшасына сәйкес, бұрын бір жылдан кем емес, белгілі бір мерзімге шарт жасасқан қызметкермен жеке еңбек шарты қайтадан жасалған жағдайда, оның ішінде еңбек шартының мерзімі ұзартылған кезде, ол белгіленбеген мерзімге жасалған болып есептеледі. Бұл жағдайда еңбек шартын қайта жасаудың қажеті жоқ.
