Шымылдық жас отау тәрбиесіне жатады.Қалыңдығының қолынан ұстаған күйеуі жатарда шымылдық құруды мақсат тұтады. Бұл орайда күйеу жігіт жеңгесінің көмегімен өз төсегіне шымылдық құрғызуға кіріседі. Қазақта шымылдық құру дәстүрі жас жұбайлар ата-анасымен бірге тұрғанда төсектері көрінбесін, өздері ашық-шашық болмасын деген ниеттен туған. Күйеу жігіт шымылдық құрған жеңгесіне «шымылдық байлар» ырымын береді.
