«Platonus»- бұл кредиттік және дистанционды оқу жүйесін автоматтандыруға арналған ақпараттық жүйе. Бұл бағдарлама 2007 жылы жұмысқа қосылды. Бағдарламада жоғары оқу орнының барлық жүйелері мен міндеттері айқындалатын орталықтандырылған ақпарат жүйесі бар. Әр студент пен қызметкер үшін жеке парақ (жеке web- парақшасы) жасалған, ол жоғары оқу орны қызметкерлерінің негізгі міндеттерін автоматтандыруға ықпал етіп, студенттердің керекті ақпаратты тауып, дистанциондық жолмен оқитын студенттерге тез арада оқу және бақылау бағдарламаларына еніп, оқытушылармен интернет желісі арқылы немесе жоғары оқу орнының ішкі желісі арқылы қатынас жасауына көмек көрсетеді.
«Platonus» автоматтандырылған ақпараттық жүйесі арқылы жұмыс жүргізуге болатын ақпарат:
Ø Жеке оқу күнтізбесі;
Ø Хабарламалар жүйесі мен міндеттерді тағайындау ішкі хат алмасу мен тапсырмаларды орындауға бақылау жүргізуді жүзеге асырады;
Ø Жеке оқу жоспары;
Ø Оқу- әдістемелік кешендерді (белгілі бір пән бойынша дәріс материалдарын) қарастыруға мүмкіндік беретін виртуалды зертханалар, тест тапсырмалары бойынша жұмыс;
Ø Сапалы тестілеу жүйесі;
Ø Жұмыс кестесінің тақтасы;
Ø Жалпы жоғары оқу орнының форумы;
Ø Жалпы жоғары оқу орнының байланыс чаты.
Сонымен қатар бағдарламаның хабарлама қызметі университеттің ағымдағы мәселелері жайлы ақпарат алуға мүмкіндік береді: оқытушылардың хабарландырулары, тест тапсырмаларын тағайындау, оқытылатын пән бойынша жаңа әдебиеттің түсуі туралы ақпарат, басқа студенттермен іскерлік қарым-қатынаста болу және т.б.
Бұл жүйе өте қызықты, әрі қажетті, өйткені кез келген студент өз парақшасына кіру арқылы өз бағаларын, аралық бақылау мен емтихан қорытындыларын, яғни пән бойынша қорытынды бағаларын білуіне мүмкіндік алады.
Студент қалауы бойынша оқытушы оған кез келген уақытта әр түрлі деңгейдегі сұрақтарды қолдану арқылы жаттығу тестерін жасап, тағайындай алады
