Кенесары Қасымұлының мәйітін іздестіру бағытында елімізде бірқатар шаралар атқарылып жатыр. Дәлірек айтқанда, 2002 жылы Кенесары ханның бас сүйегін іздестіру мақсатымен Ш.Уәлиханов атындағы Тарих және этнология институты ұйымдастырған экспедиция Мәскеу, Санкт-Петербург қалаларында болып қайтса, 2005 жылғы экспедиция Кенесары ханның соңғы шайқасы мен қаза тапқан орнын анықтаған. Алайда, бүгінге дейін Кенесары ханның бас сүйегі мен денесі сақталған орын нақты анықталмай отыр.
Осыған орай, аталған бас сүйек сақталған орынды анықтап, қайтарып алу мәселелері бойынша Үкімет тарапынан тиісті мемлекеттік органдарға тапсырма берілді.
Бұл жұмыстар ұзақ уақытты қажет ететіндігін хабарлаймын.
Мәдениет комитетінің төрағасы І. Қозыбаев
