Вандализмнiң түрлерi көп, сұрағың бойынша - үйлердiң, мекеме ғимараттарының, басқа да қоғамдық мүлiкке жататын қондырғылардың қабырғаларына сызу, сурет салу жеңiл де болса қылмыс болып табылады. 1997 жылы қабылданған ҚР Қылмыстық кодексi бойынша «тағылық» деп қарастырылған. Яғни Қылмыстық кодекстiң 258-бабы бойынша: «Тағылық, яғни үйлердi немесе өзге де ғимараттарды жазулармен немесе суреттермен немесе қоғамдық адамгершiлiктi қорлайтын өзге де iс-әрекеттермен қорлау, сол сияқты көлiкте немесе өзге де қоғамдық орындарда мүлiктi қасақана бүлдiру жүзден бес жүз айлық есептiк көрсеткiшке дейiнгi мөлшерде немесе сотталған адамның бiр айдан бес айға дейiнгi кезеңдегi жалақысының немесе өзге де табысының мөлшерiнде айыппұл салуға, не жүз жиырма сағаттан жүз сексен сағатқа дейiнгi мерзiмге қоғамдық жұмыстарға тартуға, не алты айдан бiр жылға дейiнгi мерзiмге түзеу жұмыстарына, не төрт айға дейiнгi мерзiмге қамауға жазаланады».
