Біздің елдің заңы соған мүмкіндік береді. Мысалы, заң шеңберінен шығып кететін әрекеттерді жуып-шаю үшін пара беріп жаба салады. Сол пара шенеугіктің немесе жауапты мемлекеттік қызметкердің қалтасына барып түседі. Сол келген ақша арқылы олар өздеріне қымбат көлік, үй сатып алуға, т.с.с. зор шығынды қажет ететін қажеттіліктеріне жұмсайды. Айналып келгенде, өздерінің күнкөрісі мен қаражатын жылдамдатып молынан табу үшін, шет елдіктерге заңды белшеден басып әрекет етуге мүмкіндік берілген. Бұл көзге көрінбегенімен, жасайтындар жасап, асайтындар асап жатыр.
Бұған қоғамның да кінәсі бар. Бірінші кезекте, өз қоғамына деген бір тиын жанашырлығы жоқ, өз басы аман болса болды. Екіншіден, ауызбіршілік пен азаматтық көзқарас жоқ. Бұның салдары жоғарыдай проблемаға алып келеді.
