Алматы қаласында адамды саудаға салу фактісі бойынша сот үкімі шығарылды
19.06.2014 жыл
Алматы қаласы
Алматы қаласының Түрксіб аудандық сотымен аз.Алимкуловқа қатысты Қазақстан Республикасының Қылмыстық Кодексінің 128 бабы 2 бөлігі «в» тармағы бойынша үкім шығарылды (адамды саудаға салу).
Ертеректе хабарланғандай, Түрксіб ауданының прокуратурасына бір әйелден оған белгісіз азамат тарапынан қызды пайдалану мақсатында оны 1000 АҚШ долларына сатып алу туралы ұсыныс түскендігі туралы хабарлама түскен.
Соған байланысты, аудан прокуратурасымен адамды сату фактісінің алдын алу үшін барлық қажетті іс шаралар ұйымдастырылды. Ішкі істер Департаментінің қызметкерлерімен бірлесе жүргізілген жедел-іздестіру шаралары барысында Сейфуллин даңғылы мен Аймауытов көшелерінің қиылысында орналасқан «Алаш» стадионы алдында қызды ақшаға сатып алған 30 жастағы ер азамат ұсталды.
Аталған факті бойынша Түрксіб ауданы прокуратурасымен қылмыстық іс қозғалды.
«2014 жылдың 6 маусым күні соттың үкімімен Алимкуловқа қатысты мүлкін тәркілеп 5 жылға бас бостандығынан айыру жазасы тағайындалды», - деп хабарлады Түрксіб ауданының прокуроры Тимур Атжанов.
