«ҚазМұнайГаз» Барлау Өндіру» жас мамандардың екінші форумын өткізді
13 маусым, 2014 жыл, Алматы
2014 жылдың 13 маусым күні Алматы қаласында «ҚазМұнайГаз» Барлау Өндіру» АҚ компаниялар тобының (ҚМГ БӨ, Компания) екінші жас мамандар форумы аяқталды. Форумға Маңғыстау, Атырау, Қызылорда облыстары мен Астана қаласынан ҚМГ БӨ-нің 11 еншілес компаниясының 70-ке жуық өкілі қатысты. Төрт күн бойы жас мамандар Компаниядағы өндірістік қызмет пен экономикалық тиімділікті арттыруға бағытталған жобаларын қорғады.
Форумға жиналған 44 маман төмендегі секциялар бойынша өз жобаларын ұсынды: геология және геофизика; кен орындарын игеру, өндіріс – мұнай өндірудегі инновациялық технологиялар; өнеркәсіптік қауіпсіздік, еңбекті және қоршаған ортаны қорғау; экономика және қаржы; АСУТП және ақпараттық технология; тауарларда, жұмыста және қызметтегі жергілікті мазмұн. Жобаларға қойылатын негізгі талап: өндіріс ерекшеліктерін ескере отырып көтерілген мәлелелердің маңыздылығы, ұсынылып отырған шешімдердің өндірістік және әкімшілік үрдістерде қолданылу мүмкіндігі.
- Мамандарды жетілдіру – Компаниямыздың ұзақ мерзімді дамуының негізгі факторларының бірі, - деді жиналғандарға ҚМГ БӨ геология және игеру жөніндегі басқарушы директоры Мұрат Мұстафаев. – Компанияны дамытуға бағытталған жоспарларымызды іске асыру үшін, бизнесті кеңейтіп, өндірісті жаңарту үшін бізге білікті, табанды, алдына мақсат қоя білетін, жаңаша ойлайтын жас мамандар қажет. Бұл форум сіздерге өздеріңізді жақсы қырынан көрсетіп, ұжымды біріктіруге және компанияны дамытуға үлес қосуға мүмкіндік береді. Байқауға ұсынылған жобалардың деңгейі өте жоғары, біз үшін жеңімпаздарды анықтау оңайға соққан жоқ.
Форум нәтижесі бойынша бірнеше үздік жоба іріктеп алынды, оларды өндіріске енгізу жоспарланып отыр. Сонымен қатар, алдыңғы байқаудың жеңімпаздарының бірі Айдын Қожаш өз инновацияларының өндірісте қолданылуының алғашқы нәтижелерін паш етті.
ҚМГ БӨ жастар қозғалысы туралы ақпарат
Жас мамандар кеңестері ҚМГ БӨ компаниясының орталық аппаратында да, еншілес кәсіпорындарында да жұмыс жасайды. 2012 жылдан бері «Өзенмұнайгаз» АҚ және «Қаражанбасмұнай» АҚ жас мамандар кеңесі белсенді жұмыс атқарып келеді. 2014 жылдың көктемінде «Ембімұнайгаз» АҚ мен «ҚазГерМұнай» БК» ЖШС жас мамандар кеңестері құрылды. Биылғы жылдың соңына дейін ҚМГ БӨ барлық еншілес ұйымдарында жас мамандар кеңесі құрылады деп жоспарланып отыр.
Жас мамандар кеңесінің алғашқы форумы 2013 жылдың 14 маусымында өткізілді. Онда «Қазақстан мұнай-газ саласының болашағы - жастар жауапкершілігі» Декларациясы қабылданды. Декларация ҚМГ БӨ жастар қозғалысының негізгі принциптері мен құндылықтарын айқындайды: ұрпақтар сабақтастығы, үздіксіз жетілдіру және тиімділік, меритократия, белсенділік және ынтымақтастық.
2014 жылдың 18 сәуірінде Астанада жас мамандар кеңесі өкілдері мен ҚМГ БӨ еншілес компаниялары мен бірлескен кәсіпорындарының белсенді жастары қатысқан дөңгелек үстел өткізілді. Оның қорытындысы бойынша ҚМГ БӨ жастар қозғалысының миссиясы мен мақсаттары мақұлданды.
Жастар қозғалысының миссиясы - жастардың қомпания жұмысына, соның ішінде компанияның өндірістік және стратегиялық мәселелерін шешуге белсене араласуына серпін беру. Сонымен қатар, жас мамандарда корпоративтік құндылықтарды қалыптастыру, ҚМГ БӨ компаниялар тобы стратегиясына сәйкес олардың ғылым, техника, өндірісті басқарудағы қабілеттерін ашу және оларды жетілдіру.
ҚМГ БӨ жастар қозғалысының бірнеше мақсаты бар. Біріншісі – ҚМГ БӨ компаниялар тобындағы өндірістік, әкімшілік-шаруашылық үрдістердің тиімділігін арттыру үшін және қорларды тиімді пайдалану әрі шығындарды азайту мақсатында рационалдық, инновациялық жобаларды ұсыну және олардың өндіріске енгізілуіне барынша ықпал ету. Екіншісі – ҚМГ БӨ компаниялар тобындағы жас мамандардың оқып, жетілуіне жағдай жасау. ҚМГ БӨ компаниялар тобына кіретін кәсіпорындардағы жас мамандардың өзара ынтымақтастығын арттыру. Үшіншісі – жас қызметкерлердің денсаулығын нығайтып, олардың рухани дамуына септігін тигізу және әлеуметтік, мәдени, спорт шараларын ұйымдастыру арқылы ҚМГ БӨ ұжымдарының бірлігін арттыру.
2014 жылдың сәуір айында өткен дөңгелек үстелдің нәтижесі бойынша ҚМГ БӨ компаниялар тобындағы барлық жас мамандар кеңестеріне арналған ереже бекітілген, жастар қозғалысының белгісі мен ұраны мақұлданған болатын. Ұраны: «Бірлігі мықты жастар – болашаққа жол бастар!».
Орталық аппарат жас мамандар кеңесінің бастамасымен жұмыстан тыс уақытта барлық қызметкерлерге шеберлік кластары өткізіледі, онда басшылық пен қатардағы қызметкерлер тәжірибесімен, білімімен бөліседі. Мысалы, стратегия және тәуекелдерді басқару департаменті директорының орынбасары Денис Корсунов басқару шешімдерінің тиімділігіне сараптама жасап, «Жеті рет өлше» атты тақырыпта шебер сыныбын өткізді, геология және игеру жөніндегі басқарушы директор Мұрат Мұстафаев - «Геология мен игеру жайлы қарапайым тілмен айтқанда», ал Инженерлік орталықтың директоры Мырзағали Масатов «Бұрғылау. Тәсілдері мен негізгі технологиялық операциялары» тақырыбында шеберлік сыныптар өткізді.
Жас мамандар кеңестері өндіріс алқаптарында да қайырымдылық акцияларын ұйымдастырып, аймақты жасылдандыру мен көркейту шараларына қатысып, спорт сайыстары мен қызықты спикерлермен кездесу өткізіп тұрады.
