Республикамыздағы жаңа және үлкен сұранысқа ие мамандықтардың бірі.
Егер сіз «Дінтану» мамандығын таңдаған болсаңыз, онда жоғарғы кәсіби деңгейде конфессионалдық мәселелерді терең талдауға қабілетті боласыздар. Өз басым дінтануды қазіргі таңдағы ең қажетті және талап етілетін мамандықтардың бірі ретінде санаймын. Себебі, кейінгі кезде қоғамымыздың тыныштығын бұзатын дәстүрлі емес діни ұйымдар, террористтік бағыттар көбейіп жатыр. Соларға қарсы бізде иммунитет болуы тиіс. Бірақ бұл мамандықты көбісі дұроыс түсінбей жатады. Ел арасында ол жақта тек ислам дінін оқытып, молда қылып шығарады деген сөздер көп жүруде. Бірақ ол қате пікір. Мына жерде ҚазҰУ-дың философия және саясаттану кафедрасының дінтану мамандығы жайлы толық ақпарат берілген.
Дінтану – бұл діни ілімдер тарихын және діни өмірдің институциялық формасын діни-мәдени мұра, діни өнер, діни жазба ескерткіштерін, діни білім және ғылыми зерттеу қызметі, дінге тән құқықты, діндер тарихының археологиялық ескерткіштерін, түрлі діни ілімдер мен діни ұйымдар арасындағы өзара қатынас тарихы мен қазіргі ахуалын зерттейді. Жоғары кәсіби білім беру жүйесінде дінтану зайырлы тұрғыдан оқытылады.
Дінтану пәні – тарихтың сан ғасырлық мұрасында жинақталған діни тәжірибе, діни мәдениет ескерткіштері, интеллектуалды және рухани мұралар болып табылады.
Барлық оқытушылар діни білімге, діни әдет ғұрыптар мен дәстүрлерге құрметпен қарайды.
Зайырлы ғылымның тақырыбы мен мазмұны атеистік немесе дінге қарсы емес. Университетте оқытылатын діни ғылымдардың тақырыбы мен мазмұны қайырымдылық, ізгілік, адам сүйгіштік, патриотизм, толеранттылық, басқа дін өкілдеріне құрметпен қарау қағидаттарына сүйенеді.
«Дінтану» мамандығының түлектері келесі мамандықтар бойынша жұмыс істей алады:
- ІІМ, ҰҚК және прокуратура органдарында кеңес беруші және эксперт маманы ретінде;
- Ішкі және сыртқы саясат бөлімдерінің қызметкерлері; Діни істер бойынша Комитетте;
- Мемлекеттік, конфессиялық және қоғамдық ұйымдарда тәуелсіз эксперт ретінде;
- Мемлекеттік-құқықтық және мемлекеттік-шіркеулік мәселелерде дінаралық және конфессияаралық қатынастар бойынша кеңесші;
- Жоғары және арнайы орта оқу орындарында оқытушы ретінде.
мемлекеттік және мемлекеттік емес жоғары және орта арнаулы оқу орындарының оқытушылары;
Бітіруші магистратура мен PhD білімін жалғастыра алады және халықаралық жобаларды іске асыруға (БҰҰ, ISESKO, Ашық қоғам институты және т.б.) қатыса алады;
«Халал» стандарттау комитетінің, ҚМДБ қызметкерлері және басқа да мемлекеттік, мемлекеттік емес мекемелер мен халықаралық ұйымдардың қызметкерлері;
Дінтану мамандығының студенттері мынадай елдерде академдік мобильділік бойынша біллім ала алады:
1.Қалмақ мемлекеттік университеті (Ресей);
3. Манчестер Университеті (Англия);
4.Оклахома Штаты Университеті (АҚШ);
5. Христиан және ислам бағытындағы білім орталығы (АҚШ);
6. Мармар университеті (Түрік);
7.Гуманитарлық және әлеуметтік ғылыми институты (Оңтүстік Корея),
8.Комплутенсе Мадрид университеті (Испания). т.б.
Студенттер интернет және дінтану бойынша жаңа отандық және шетел әдебиеттерін пайдаланады. Шет елде және діни орталықтарда, әкімшіліктердің ішкі саясат департаменттерінде, университтерде, колледждерде және т.б. жерлерде практикадан өте алады. Шет тілін меңгеруді қалайтындар үшін ағылшын, араб, парсы, түрік тілдерінде сабақ өткізіледі. Бітіру жұмысын үздік қорғаған бітірушілер магистратура мен РһD білімін жалғастыра алады.
ҚазҰУ студенттеріне толыққанды оқуына және демалысына жағдай жасалынған.
Университетте бағасы төмен, әрі сапалы, дәмді тағамдар даярлайтын ірі қоғамдық тамақтандыру комбинаты, асханалар және буфеттер бар. Басқа қаладан келген студенттерге жатақханадан орын беріледі. ҚазҰУ қалашығында Студенттер Сарайы, киноклуб, спорттық кешен, Ыстық-көл жағалауында жаздық спорттық-сауықтыру кешені бар.
«Дінтану» деген атаудың астарында адамзат тарихының барлық кезеңдерін қамтитын және қоғамның барлық салаларына үлкен ықпал ететін мәдениеттің ең қызық, күрделі салаларының бірін зерттейтін ғылыми таным жатыр.
Осы мамандыққа сіздердің көзқарастарыңыз?
