Сынаптың бұл түрін орыс ғалымдары ойлап тапқан. Кейіннен олар осы қызыл сынаптан қауынның көлеміндей, күші атом бомбасынан әлдеқайда мықты қару түрін жасауға болатынын анықтаған. Әлгі қарудың жер бетіндегі тіршілік иелерін тып-типыл жойып жіберетін қасиеті болған. Әлемдегі №1 террорист Усама Бен Ладенде осы қызыл сынаптан жасалған қару бар деген де қауесет тараған болатын. Ал қазір Ресей ғалымдары осы қызыл сынапты зымырандарға қолданады деген сөз бар. Біреулер одан мықты оқ дәрілер жасайды дегенді де айтып жүрген көрінеді. Ресейде қызыл сынапты сатумен айналысқандар заң алдында жауап беретінін білемін. Ол жақта бұл металлдың бір килосы 100 миллион долларға бағаланады. Ал адамдардың үйлерінде қызыл сынап сақтауға қақысы жоқ. Сондықтан тоңазытқышта қызыл сынап бар деген сөз өтірік болуы мүмкін. Себебі мұндай бағалы зат тоңазытқышқа қойылатын болса, ол зауыттың жұмысы жабық түрде жүргізілетін еді. Бұл табиғатта өте сирек кездесетін, мүмкін мүлде кездеспейтін металдардың бірі.
