Мектеп партасы – жадымызда қалған тамаша естеліктердің бірі. Ол – оқушының мектептегі досы, өміріндегі елеулі оқиғаларының куәсі. Әр оқушы мектеп партасының бетіндегі майда сызатына дейін мәңгілік жадында сақтап өтеді. Мұнымен қатар, оның өнертапқыштардың жетістігі екенін де айта кетуіміз керек.
Мектеп партасы – сыныптың негізгі құрылғысы. Тақта мен партаның көмегінсіз сабақ жүргізу мүмкін емес. 1870 жылы алғаш рет оның дұрыс нұсқасын Эрисман Ф.Ф жасап шығарған. Дәл сол үлгі бүгін бізге қайтып оралды.
ХІХ ғасырдың соңында Петербург университетінің студенті Коротков П.Ф. Эрисман партасын түрлендіреді. Студент оның екі адамға арналған нұсқасын жасап, осы еңбегі үшін күміс медальды иеленеді. Мұндай үлгі бұдан бұрын сонау Қайта өрлеу дәуірінде ойлап табылған болатын. Аталған үлгі алдымен хатшы үстелі болып, артынша оқушылар орындығына айналады. Мұнымен қатар, Ресейде трансформер парта ойлап табылған. Парта мен үстіңгі тақтайының биіктігі және көлемі оңай өзгертіледі. Осының арқасында көп оқушы көру қабілетін сақтап, бойын тік ұстап отыруға мүмкіндік алады. Бұрындары бағасы қымбат болғандықтан, тек элиталы мектептерде ғана қолданылатын. Артынша өнім саны көбейіп, бағасы арзандайды.
