Тарихи деректер: Типтiк жiктелудiң тарихи деректерді түрлiк жiктелуден айырмашылығы ол деректердiң мазмұны мен формасының сәйкестiк пpинципiне негiзделген. Тип ақпаратты салу және сақтау тәсiлдерiмен ерекшеленген деректердi бipiктiредi. Негiзiнен деректердiң жетi типiн айтуға болады: Жазба, заттай, этнографиялық, фольклорлық, лингвистикалық, фотокиноқұжаттар, фоноқұжаттар. Мұндай жiктеу дерекке тән ерекше белгiлерiн (пайда болу, мазмұны, формасы) eскереді. Дегенмен бұл шартты жiктеу. Өйткенi, фольклорлық (ауызша) деректер қазіргi кезде, көп жағдайда жазба түрiнде таралған, ал этнографиялық деректер — заттай ескерткiштер немесе кинофотоқұжаттар түрiнде берiледi. Сондықтан бұлардың арасында айқын аралық жоқ. Осындай ерекшелiктерiн ескере келе 1981 жылы И.Д.Ковальченконың басшылығымен шыққан «Источниковедение истории СССР» оқулығын әлеуметтiк ақпараттарды бекiту формасына қарап, деректерді мынадай типтерге бөлген: заттай, көркем-сурет және графикалы сурет, жазба және фоноқұжаттар. Сонымен қатар деректерді пайда болу тегіне, сыртқы ерекшелiктерiне карай үлкен типтiк топтар классына, оның iшiнде шағын топтарға бөлуге болады: - Заттай деректер — археологиялық ескерткiштерден бастап қазiргi машиналар мен техникаға дейiн; - Көркем сурет деректері — сурет өнерінің, жалпы өнер саласының барлық туындылары; - Сөздiк деректер — күнделiктi сөйлеу мәнерiнен бастап халықтың ауызша шығармашылық ескерткiштерi толығымен; - Жазба деректер — этнографиялық материалдардан бастап мазмұны мен формасы сан алуан болып келетiн жазба ескерткiштерiнiң бәрi; - Дыбысты деректер – сөзсiз немесе сөзбен бiрге орындалатын (саз, әуен, ән т.б.); - Салттық деректер — тұрмыста, мiнез-құлықта қалыптасқан дәстүрлер, әдет-ғұрыптар Деректану туралы толық ақпарат мына жерде бар: http://kk.m.wikipedia.org/wiki/%D0%94%D0%B5%D1%80%D0%B5%D0%BA%D1%82%D0%B0%D0%BD%D1%83
