Сары қозы, көк қозы,
Қарындары тоқ қозы.
Күздігүні көп қозы,
Қыстыгүні жоқ қозы. (Қауын-қарбыз)
От ішінде – үш таяқ,
Үшеуі де күшті аяқ.
Ортасында ілгегі,
Ілгегінде ілгені. (Мосы мен шәугім)
Қауын, қарбыз дей алмайсың,
Піскенмен, жей алмайсың.
Жарғаныңмен, қап-қатты,
Ал асқанда, тәп-тәтті. (Асқабақ)
Бір малға екі бала мінгеседі,
Айлап-жылдап түспестен күн кешеді. (Түйенің өркеші)
http://asyl-bilim.kz/
