Адам буындарының сықырлауы кальций жетіспеушіліктен, тұз жиналғандықтан емес. Егер буын сықырлағанда еш жеріңіз ауырмаса, қорқатын дәнеңе жоқ. Бұл акустикалық феноменнің себебін атақты чех профессоры Карл Левит өзінің бірнеше рет басылып шыққан монографиясында түсіндіріп кеткен. Қарапайым тілмен айтқанда, бұл "менискоидтардың ойыны", яғни, автокөліктегі сайлентблоктар секілді, ағзадағы шеміршекті, буын ішіндегі өсінділер. Сықырлаған дыбыстарды осылар шығарады.
