Миссисипи өзенінде апатты жағдай орнады. 26 қараша 2013, 16:51
Американың Айова штатында ағып жатқан Миссисипи өзенінде апатты жағдай орнады. Алдын ала болжам бойынша жанармай құйылған баржаларды тасымалдауға арналған кеме су түбінде жатқан белгісіз бір затпен соқтығысқан. Бүйірі тесілген буксир суға бата бастаған. Қазір Леклэр қаласының полицейлері, өрт сөндірушілері мен жағалау күзетінің қызметкерлері жұмылдырылып, жұмыс істеуде. «Тасымалдаушы кеме бортында 337 мың литр отын бар болатын», – дейді мамандар. Оқиға орнына жеткен олар апаттың алдын алу үшін буксирдің бүйірін жамап, өзеннен шығарып алуы тиіс. Ал оған билік өкілдерінің мәлімдеуінше, кемінде 4-5 күн кетуі мүмкін.
