Қазіргі кезде сайтта аздаған өзгерістерді енгізуді іске асырдым. Сауалнаманы қайта орнына келтірдік, бірақ қазіргі тексеруіме қарағанда сәл де болса ауыртпашылық түсіреді екен. Оны сервердің баптауларынан қарап отырмын. Не де болса әзірге сауалнаманы қалдыра тұратын шығармын. Себебі алдағы күнде сервердің күшін арттырып, басқа тарифтік жоспарға көшіп қалуым ықтимал.
Сайтта көптеген конкурс, сайын туралы ұсыныстар келіп түсіп жатқандығы маған да аян. Барлығын көріп отырмын, тиісінше конкурстар да болады. Тек қашан деп сөкпеңіздер, себебі конкурс ұйымдастыру да оңай емес. Оны бақылап отыру, басқару, жеңімпазды анықтау үлкен күшті талап етеді. Қазіргі таңда еңбек етіп жатырмыз. Биылғы жылы сайтта 5-6 конкус өткізу жоспарда тұр. Конкусты алдағы уақытта жариялайтын боламыз, бірақ уақыттары нақты емес. Сондықтан ештенке айта алмаймын. Тек айтарым алдағы уақытта сайтта үлкен бір конкурс болады. Ол конкурс басталса ешқандай қолданушы шетте қала алмайды деп ойламын :)
Сайтта енді қолданушы сұрақ қойған соң немесе жауап беріп, пікір қалдырса енді 5 минут ішінде өңдеуіне немесе жасыруына мүмкіншілік бар. Яғни 5 минут ішінде өзінің сұрағын өңдей немесе жасыра алады. Маман қолданушылар басқа қолданушылардың жауаптарын өңдесе, Редактор мен Модератор қалаған сұрақ, жауап, пікірді қалаған уақытта өңдеп қажет болған жағдайда жасырып отыра алады. Бұл мүмкіншілік сайттың тазалығын, ережелердің орындалуына тікелей қатысты.
Мәтін арасында пайдалы ілмектерді ерекшелеп отыру. Ол үшін # белгісін қолданамыз. Яғни мен сайт ілмегін ерекшелеу үшін #сайт деп жазып кететін болсам, сайттың өзі автоматты түрде ілмекке сілтейтін болады. Мұндай қосымшаны Wikipedia қолданады. Сосын сайттағы қолданушыны белгілеп кету. Ол үшін @ белгісін қолданатын боламыз. @ белгіге алып жазған соң сол қолданушының почтасына автоматты түрде сізді белгілеп кетті деп және белгілеп кеткен сілтемемен хат барады. Осы сұраққа мен @Абылай @Madi @Daniyar @РЫСБЕК @Jako @Жақсы @Елеке @VVVWWW @Yasin т.б. қолданушыларды шақыра аламын. Тек шақыру үшін ғана емес басқа да мақсатта қолдануға болады. Тек бір қателігі бар. Егер арасында бос орын, -,+,*,/ т.б. белгілер болса жұмыс жасамайды. @МАРАТ ҚАНИЕВ десек жұмыс жасамайды. @МАРАТ-ҚАНИЕВ @МАРАТ_ҚАНИЕВ десек те. Тек @МАРАТҚАНИЕВ деп жұмыс жасайды. Алдағы уақытта бұл олқылықтың орны жойылып, бір шешімі табылады деген үметтемін.
Өзіңізге ұнайтын санатты таңдаулыға қосу. Сіз өзіңізге ұнайтын санатты таңдаулыға қосу арқылы, сол санатта жаңа сұрақ қойылса хабарлама алуыңызға болады. Ол үшін өзіңізге ұнайтын санатты ашып, санаттың сол жақ бөлігінде орналасқан жұлдызшаны шертеміз. Сосын сізге сол санатта жаңа сұрақ қойылса, автоматты түрде почтаңызға хат барады. Алдағы уақытта Қолданушыны да қосуға тырысамыз. Яғни қолданушыны таңдаулыға қосу арқылы сол қолданушының іс әрекеттері почтаңызға хат ретінде келіп тұру. Яғни сұрақ қойса осындай қолданушы сұрақ қойды деп баратындай.
Алдағаы демалыс күндері Cайттың ережесі мен FAQ-ге толықтырулар мен өзгерістер енгізілетін болады. Ол өзгерістер мен толықтырулар тек сайт қолданушыларыға ғана емес сайттағы Модераторлар, Редакторлар, Мамандарға да тікелей қатысты болады. (Өз басының жеке мүддесі үшін сайт мүмкіншілігін асыра қолданатын қолданушыларға қатысты шара болмақ) Қандай өзгерістер, толықтырулар болды сол туралы дүйсенбі күні жеке жазба ретінде жазып шығатын боламын.
Мамандарды сайтқа тарту жұмыстары жүріп жатыр. Яғни ірі мекемелердің мамандарымен бірлесе жұмыс жасап, сапалы жауап алу үшін еңбек етіп жатырмыз. Сайттың ішінде өзге де көптеген сіздерге білінбейтін істер атқарылылынып жатыр. Барлығы да сіздер үшін. Сондықтан бізбен бірге болыңыздар. Достарыңызды, таныстарыңызды, құрбы-құрдастарыңызды сайтқа шақырыңыздар. Бірлесе отырып сапалы сайт етіп шығарайық.
Құрметпен Сұрақ-Жауап сайтының әкімшілігі.
