Ықылықты тоқтату
Ол үшін мынандай амалдарды жасайды:
Көкеттің құрысып жиырылуынан дем алу күшейіп, ықылық пайда болады. Оның өзіне тән дыбысы бар. Бұл рефлекс асқазан-ішек жолынан газдарды шығаруға тырысады. Ықылық тоя тамақтану, қатты тоңу, алкогольді шамадан тыс мөлшерде қабылдау, жүйкенің шокқа ұрыну салдарынан болады.
Ықылық ауруға жатпайды, бірақ тоқтаусыз, қайтпайтын ықылық бас миы мен жұлын ауруларының, миокард инфарктінің, жұқпалы аурулардың белгілері болуы мүмкін. Әдетте, ықылық өздігінен тоқтайды.
Ауру салдарынан пайда болған ықылықта емделу керек. Оны дәрі-дәрмектер арқылы тоқтатады.
Оны тоқтатудың халықтық мынандай әдісі де бар:
Бір түйір мұзды жұтып, бірнеше жұтым сал- қын су ішу керек. Көкет маңайын қолмен қат- тырақ қысыңыз. Қолдың шынашағы мен бас бармағын беттестіре отырып, дем алуды ұза-ғырақ ұстауға тырысыңыз. Екі қолдың басын арт жақта бір-біріне бекітіп, «Г» тәрізді еңкейіңіз де, су ішіңіз. Мұндайда сізге су ішкізу үшін екінші бір адамның жәрдемі қажет.
Тоқтамайтын ықылықта көкет тұсына аз ғана уақыт қыша, немесе суық зат басу керек.
Ықылық созылып кетсе, мойынды киікшөп майымен майлау ләзім. Оны дайындау үшін киікшөптің ұсақ етіп туралған бір уыс шөбін жарты литр зәйтүн майына салып, 8 сағат ұстайды. Содан кейін сүзіп, майын 2-3 тамшыдан мойынға жағып, сылап-сипайды. Емшараны күніне 3 рет жасаған жөн.
