Кенияның оңтүстігінде тұратын африкалық жартылай көшпенді тұрмыс салтын ұстанатын Масаи тайпасында кептіріліп, қақталған етті шикідей пайдаланатын дәстүрлі тағамдары осы уақытқа дейін сақталған. Негізі етті бұлай пайдалану тек қана бұл тайпада ғана емес әлемнің бірқатар елдерінде бар. Мысалы орыс,украин халықтарының "сало"-деген тағамдары пісірілмейді, тек тұзға қақталады. Сол сияқты біздің халқымызда да әбден арнайы ұнға көміліп сүрленіп, тұзға пісіп сары өріктей болған жылқы қазысын ұзақ жорықтарда шикілей пайдаланатын жағдайлар болған, себебі ол тағам ыстықта шыдамды, ұзақ сақталатын, бұзылмайтын болған.
