Меніңше, төрт мезгілді бірдей жақсы көру керек! Әр мезгілдің өз қызығы бар емес пе!? Қыста қар атысып, аққала жасап, шанамен сырғанаймыз;бұл ең суық мезгіл, яғни суыққа төзу арқылы мықты болып, шыңдана түсетіндейміз. Көктемде егін егіп, хош иісті гүлдердің иісімен рахаттанып,ең жақсы мерекелерді атап өтеміз(8-Наурыз, Жаңа жыл(Наурыз),соңғы қоңырау);бұл мезгілде жаман энергиямен қош айтысатын сияқтымыз. Жазда суға шомылып, демалғанға не жетсін! Бұл мезгілде көп күлеміз, шаттанып, қуанамыз, яғни ұзақ өмір сүруімізге жағдай жасаймыз,күлкі өмірді ұзартады дейді ғой!Күз көкөністер пісіп, егін жинау науқаны басталады;күзде жапырақтар сарғайып жерге түсетіндей, біз де бойымыздағы уайым - қайғыдан арылатындаймыз.
Қазақстанда тұратындар мақтаныңдар, қуаныңдар! Біз төрт мезгілдің де қызығын көре аламыз! Ал кейбір елдер қысты қарсыз, аптап ыстықта өткізсе,кейбірлері жазды мұз бен қар ортасында өткізеді...
