Мен осы өмірде не үшін жасаудамын?..Бұл сұрақты бір рет болсын ойлап көрмеген адам болмаса керек.Сынақ өмір бір күні сағымызды сындыратындай,енді бір күні белгісіз себеппен келетін күш алға жетелеп отырады.Жаратқан Иеміз бізді жаратты.Өмір сүру үшін,сынаққа төзу үшін..Бірден бәрінен қол үзіп кете де алмайтынымыз шындық.Бәріміз өмір сүріп жатырмыз.Бәрімізді осы өмірде ұстап тұрған бір күш бар.Сол күш кетіп,ажал жетіп қара топырақты құшып жатқан адамзат қаншама?!Өмірді қимай,ажал еркіне көніп лажсыздан қабірде ахирет күнін күтіп жатқан адам қаншама?!Ал бүгін таңда тұрғанда сезетініміз,тыныс алып жатырмыз.Бізге нәсіп болар күн бар.Жер астында емес,жер бетінде жасаудамыз.Ендеше неге өмір сүрмеске?!Біріміз атам-анам үшін дейміз,біріміз арман,біріміз өз бақытымыз үшін өмір сүріп жатырмыз дейміз.Алайда бізді осы өмірде ұстап тұрған тылсым күш болмағанда өмір сүрмес едік...Мені де сондай күш ұстап тұр.Егер ол болмаса ата-анам,армандарым,мақсатым бар болса да өмір сүрмес едім.Сынақ өмір сағымызды сындырмасын.Берілген өмірде бақытты,мәнді,саналы ғұмыр кешейік!
