Соңғы кезде жаңалықтарды қарап отырып, дикторлардың дұрыс сөйлемейтінін аңғардым. Ең бірінші сөз салемдесуден бастасақ, Саламатсыздар ма, деудің орнына сәлеметсіздер ме? деп амандасады екен. Қазақша сөздің түбірі саламат, сау- саламат деген емес пе? Амансыз ба, есенсіз бе дегенді білдірмей ме? Неге солай өз мағынасында қолданбайды екен. Оны естіп алған жастар менімен сәлеметсіз бе деп амандасса, мен оны салем етесіз бе деп түсінемін. Олай айтқандарға мен жасы кіші адамға сәлем ете алмаймын дегім келіп тұрады. Неге теледидарда солай деп айтады деп сұрақ қояды кейбіреулер. Яғни теледидардың айтқандары дұрыс, нағыз қазақ, менің айтқаным дұрыс емес дегендері ғой. Әрине, олардың бүкіл халыққа хабар таратушылар дұрыс сөйлеуі керек дегені дұрыс, ол пікірмен қосыламын. Бірақ, жүргізушілердің дұрыс қазақша сөйлемеуі құлағымды шаршатады. Енді тағы бір күні теледидардан "саламатты Қазақстан" деп жарнама беріп жатыр екен, оның мағынасына да түсіне алмадым. Дені сау дегенді айтқысы келгені шығар дедік те қойдық. Бірақ, саламатсың ба десе, саламатпыз дейміз ғой, саламаттымыз деп айтса, ерсі естіледі екен. Сондықтан бұл жерде саламат Қазақстан деуі керек қой.
