Жалпы, ұлт танымында 7 саны қасиетті сан қатарына жатқызылады. Себебі, бізде 7 санымен көптеген дүние байланыстырылады...
сонымен жауапқа көшейін:
1) Мысыр пирамидалары — ежелгі Мысыр перғауындарының өзіндік үлгідегі мазарлары. Пирамиданың ең алғашқы іргетасы біздің заманымыздан бұрын 2800 жыл шамасында салынған екен.
2) Вавилонның (Бабылдың) аспалы бағы. Ол біздің заманымыздан бұрын 600-шы жылы шамасында салынған. Оны Вавилон әміршісі өзінің кіші әйеліне арнап жасатқан. Бүгінде ол қирап, жермен-жексен болған. Оның орны қазіргі Ирак жерінде.
3) Эфестегі Артемида ғимараты кезінде әлемдегі ең үлкен ғибадатхана болған.
4) Олимпиядағы Зевс мүсіні біздің заманымыздан бұрынғы бес ғасырдың жәдігері. Оны көне грек мүсіншісі Фидий алтын мен піл сүйегінен жасаған.
5) Галикарнастағы Мавсол патшаның табытханасы біздің заманымыздан бұрын 4 ғасырда салынған. Ол қолдан әдейі қойылған өрттің кесірінен қиратылды.
6) Күн құдайы Гелиостың мүсіні біздің заманымыздан бұрын 285-жылы жасалды. Биіктігі 45 метрлік алып мүсін 224 жылы жер сілкінісі кезінде қираған.
7) Александрия шамшырағы біздің заманымыздан бұрын 3 ғасырда жасалған. Мұнарасының биіктігі 160 метр.
Әлемдегі осы алғашқы жеті кереметтен кейін тағы өзге де кереметтер пайда болып, аттары атала бастады. Оған Ұлы Қытай қорғаны, Стамбулдағы Әулие София шіркеуі, Үндістандағы Тәж-Махал сынды жәдігерлер жатады. Сондай-ақ «Бермуд үштағаны», «Норвегия түні», «Тунгус метеориті» табиғаттың кереметтері болып саналады. Ал «Нұх пайғамбар кемесі», «Қар адамы», «Ұшатын табақшалар» қиял-ғажайып кереметіне жатқызылды.
