Өзге ғаламшарлықтар бар ма, жоқ па деген сұраққа келсек дүниенің төрт бұрышынан "біз оларды көрдік, куәгер болдық" деп жар салған, тіпті бейнетаспаға түсірген бейнелерін де ғаламторға салып дәлелдеуінен сенбесіңе қоймайды. Ал неге Қасиетті Құранда олар туралы бір де бір сөз жоқ. Тек періштелер, жындар, сайтан туралы және пайғамбарлар , жан-жануарлар, өсімдіктер және т.б. бар. Ал өзге ғаламшарлықтар туралы мәлімет жоқ. Иә, пайғамбарымыз с.а.с.-ның жүрегін тазалап кететін жасыл денелі адамдар жөнінде және бір екі жерінде ғана айтылғаны болмаса өзге ақпарат жоқ. Менің ойымша біз оларды өзіміз зерттеп, білуіміз қажет сияқты. Бізді ізденсін деген де болуы керек. Ал екінші ойым мүлдем басқа. Біздің өзге ғаламшарлықтар деп отырғанымыз адамдарды ақылдан адастыру, діннен шатастыру, құдайға деген сенімді жоғалту үшін арнайы жіберілген Дәджалдың әскері болар бәлкім әлгілер. Дәджал туралы хадистерде айтылған. Ол жөнінде білмейтіндер ғаламтордан біліп алар, мен оған тоқталмайын. Ал Дәджалдың суды мекендеп, уақытын күтіп, яғни ақырзаманды тағатсыздана тосып жатқаны айтылады. Демек біз осы тұста Бермуд үштағанына (Бермудский тргеугольник) барып қонып, су астына кіріп кетіп жатқан ұшатын табақшалар "тәрелкелер" туралы естіп жатырмыз. Және олар бір қызық жері қай жерде, қай елде болмаса да бірнеше тілде, әлем тілдерінде еркін сөйлесе білетінін естудеміз. Яғни әлем тілдерін меңгерген, я болмаса тілсіз тілде меңгерген. Сонда бізді ғаламшарлықтар зерттеп, танып қойғаны ма, тілімізге дейін меңгеріп алды ма? Технологиясы бізден әлдеқайда дамыған, соңына түссе көзден ғайып болатын әлгі ғаламшарлықтарға бізден не қажет сонда? Мұның барлығы ойландыратын жайт. Көп нәрсенің түйінін Құраннан табушы едік, солай болар да бәлкім кім білсін. Бұл менің жеке ойым.
