Адам-деген Аллатағаламның керемет туындысы. Орыстарда бір мақал бар, қазақшаға шамалап аударғанда (онша шықпаса кешірім сұраймын), " Адамды тану үшін бір пұд тұз жеу керек" - деген. Мағанасы адамды түсіну өте қиын дүние дегенге келеді. Мына өмірде қанша адам болса соншама мінез, болмыс, пиғыл, түсінік, болжам бар. Сондықтанда адамды жақсы, жаман деп айту өте қиын болар. Жаман деген адамдардың да, басқаларға байқалмаған жақсы қасиеттерін басқа біреулер білуі әбден мүмкін, және сол сияқты жақсы деген адамның да жаман жақтары болуы мүмкін ғой. Біз адамдарды халыққа көрінетін тұстарына бағамдап қана жақсы болмаса жаман деп айта аламыз. Ал оның көзден таса құндылықтарын толық білу мүмкін емес, ол тек Аллаға ғана аян болар.Сондықтан жалпы Адам баласын Аллатағаламның әсем, көркем, теңдессіз жақсы туындысы деп қарасақ жөн болар деймін. Алла бәріңді жамандықтан сақтап, жақсылықты нәсіп етсін!
