Қызметкер жұмыстан кететін кезде онымен толық есептесу қажеттілігі туындайды. Толық есептеуге пайдаланылмаған демалыс күндер және премиялар кіреді (егер премиялар берілген болып, алынбаған болса).
Жұмыстан кету кезінде қызметкер басшының атына өтініш жазады және онда себебін көрсетеді. Өтінішке басшының қолы қойылған соң, кадр бөлімінің инспекторымен бухгалтерияға жіберіледі. Тек содан кейін бухгалтерия есептеседі.
Еңбек кодексінің 110-бабы бойынша еңбек шарты тоқтатылған кезде жыл сайынғы ақылы еңбек демалысын (жыл сайынғы еңбек демалыстарын) пайдаланбаған немесе толық пайдаланбаған қызметкерге жыл сайынғы ақылы еңбек демалысының (жыл сайынғы еңбек демалыстарының) пайдаланылмаған күндерi үшiн өтемақы төлемi жүргiзiледi.
