Психолог мамандығы өте жақсы мамандық, мен өзім психология мамандығын тәмамдадым (ҚазҰУ - бакалавр, магистратура дәрежесі). Алайда Қазақстанда психологияны жақсы оқытады деп айтпас едім. Егер нағыз практика-психолог болып шыққың келсе, университетте алған біліміңе қоса, біраз тренингтерден өту қажет, бұл психологтарға қойылатын басты талап. Ал бұған қаржы мен шетелге шығу қажет болады. Егер жүрегіңмен қалаған мамандығың психология болатын болса, мен саған бакалаврды Қазақстанда оқып, магистратура не докторантураны шетелде оқыған абзалырақ деп кеңес берер едім.
Қазақстанда психологияны тәуір оқытады-ау дейтін өзі үш университет қана біріншісі ҚазҰУ және АГУ, кейін Қайнар (бұл университет көбіне практикаға бағытталған). ҚазҰУ-де жақсы теория алып шығасың, егер өз бетінше көп ізденетін болсаң, алайда бітіре сала жұмыс табу қиынға соғады.
Не дегенмен, психологияны ұнатып түскен дұрыс дер едім, өйткені көп студенттер оны жеңіл мамандық деп есептейді, әлбетте олай емес, өйткені психолог болу үшін сен мамандықты ғана емес, сонымен бірге, тұлғалық қасиеттеріңді де бірге дамытуға тиісті боласың.
