Сәлем, достар!
Осыдан дәл 3 жыл бұрын, 2010 жылдың 10-шы қазан күні, сіздердің құзырларыңызға қызмет етіп келе жатқан SZH.KZ сайты өзінің жұмысын бастаған болатын. Артымызда қалған үш жылдың ішінде барлық жақсы күндер мен сайтымыз өшіп қала берген "жаман" күндерде де бізбен бірге болып келе жатқан өздеріңді шын жүректен бірінші құттықтағымыз, сосын - алғыс айтқымыз келеді. Сендерсіз ештеңе болмас еді.
Дегенмен, артымызда қалған үш жыл бізге үлкен сабақ болды. Ары қарай да біз өздерің үшін қызмет ете беретін боламыз. Ал, сендерден барынша белсенділікті күтеміз. Алдағы уақытта сайтта әркелкі конкурстар, акциялар өтеді деп осы уақыттан айтып қояйық.
Сайтты қолданып, күнде ыстығы мен суығын бірге көріп келе жатқан бәріңе өзіміздің ыстық лебізімізді білдіреміз. Сондай-ақ, сайттың іргесі қаланғалы бері бірге болып келе жатқан "ардагер" қолданушыларымызға алғысымыз ерекше.
Сайтымыз бұдан бұлай да тек алға жылжи береді, өзіндік жоспарлары да жетерлік. Солардың бәрін бірге жүзеге асырып, үлкен белестерге жетеміз деп үміттенеміз. Себебі, сайттың бар байлығы, оның мақтанышы білмегенді білуге ұмтылған жастар - өздерің. Қол ұшын беруге талпынған білімпаз қолданушыларымыз.
SZH.KZ | Өз сұрағыңды қой.
Құрметпен,
СЖ сайтының әкімшілігі
